Azərbaycan Premyer Liqasının XIXX turu çərçivəsində keçirilən "Şamaxı"-"Neftçi" oyunu başa çatdı. Gərgin keçən matçda "Neftçi" 0:2 qalib gəldi.
xxxx
Oyunun 89-cu dəqiqəsində Filp Ozobiç "Neftçi"nin ikinci topuan imza atdı-"Şamaxı"-"Neftçi"-0:2
xxx
"Şamaxı"-"Neftçi" oyununda tərəflər fasiləyə yollandı. İlk hissədən sonra "Neftçi" 0:1 hesabı ilə irəlidədir.
xxx
Cümə günü futbol üzrə Azərbaycan Premyer Liqasının XXIX tura start verilib. PFL bu günə iki qarşılaşma təyin edib.
Günü ilk olaraq "Şamaxı" "Şamaxı Şəhər Stadionu"nda "Neftçi"ni qəbul edir. Keçən tur darmadağın olan "Şirlər" bu turda qələbə qazanmağa çalışır. "Ağ-qaralar"da matça üç xal üçün çıxıb. Hakim Fərid Hacıyevin idarə etdiyi qarşılaşmada artıq oyunun 42-ci dəqiqəsində "Neftçi" Ramil Şeydayevin qolu ilə hesabı açdı-"Şamaxı"-"Neftçi"-0:1
Günün və turun sonuncu qarşılaşmasında "Araz-Naxçıvan" "Liv Bona Dea Arena" gənclik şəhər təmslçisi "Sumqayıt"ı qəbul edəcək. Muxtar Respublika təmsilçisi bu oyunda növbəti qələbəsini qazanmağa çalışacaq. "Kimyaçılar" isə bu oyunda ən azında məğlubiyyətsizlik seriyasını davam etdirməyə cəhd göstərəcəklər.
Qeyd edək ki, futbol üzrə Azərbaycan Premyer Liqasının XXIX turuna Cümə günü start verilib. PFL açılış gününə bir qarşılaşma təyin edib.
Günün yeganə oyununda "Səbail" "ASCO Arena"da "Turan Tovuz"u qəbul edib. Görüşün ilk hissəsində tərəflərdən heç biri fərqlənə bilməyib-"Səbail"-"Turan Tovuz"-0:0. Oyunun ikinci hissəsində tərəflərdən heç biri fərqlənə bilməyib və görüş başladığı hesabla bitib-"Səbail"-"Turan Tovuz"-0:0.
Dünən iki qarşılaşma baş tutub.
İlk olaraq "Sabah" "Bank Respublika Arena"da qədim Gəncə təmsilçisi "Kəpəz"i qəbul edib. Artıq oyunun 41-ci dəqiqəsində "Kəpəz" Valdemar Almeydanın qolu ilə hesabı açıb-"Sabah"-"Kəpəz"-0:1. İlk hissə "Kəpəz"in 0:1 hesablı üstünlüyü ilə başa çatıb. Oyunun ikinci hissəsində heç bir qol olmayıb və ilk hissəsnin nəticəsi oyunun nəticəsi olub-"Sabah"-"Kəpəz"-0:1.
Günün ikinci qarşılaşmasında "Qarabağ" "Tofiq Bəhramov adına Respublika Stadionu"nda "Zirə"ni qəbul edib. Artıq oyunun 15-ci dəqiqəsində "Qarabağ" Kadi Borqesin qolu ilə hesabı açıb-"Qarabağ"-"Zirə"-1:0. Görüşün ilk hissəsi "Köhlən atlar"ın 1:0 üstünlüyü ilə başa çatıb. Oyunun ikinci hissəsində tərəflərdən heç biri fərqlənə bilməyib və ilk hissəsnin nəticəsi görüşün nəticəsi olub.