Geriyə qayıt Çap et

Ukrayna müharibəsində dönüş nöqtəsi – Zelenski: "Artıq Rusiya torpağındayıq"

 Avropanın mərkəzində müharibənin sarsıdıcı reallıqları davam edərkən, Ukrayna Prezidenti Volodimir Zelenski dünya ictimaiyyətinə şok bəyanatla müraciət edib. Strateji.az CNN istinadən xəbər verir ki,  Prezident ilk dəfə olaraq təsdiqləyib ki, Ukrayna Silahlı Qüvvələri artıq Rusiya ərazisində – konkret olaraq Belqorod və Kursk vilayətlərində aktiv əməliyyatlar həyata keçirir.

Zelenskinin sözlərinə görə, bu əməliyyatlar Rusiya tərəfindən Ukraynanın Sumı və Xarkov vilayətlərinə yönələn hücumların qarşısını almaq məqsədi daşıyır. Ukrayna lideri əməliyyatların əsas hədəfinin Rusiya ordusunu cəbhənin ön xətlərindən yayındırmaq olduğunu vurğulayıb: 
"Əgər düşmən bizim şəhərlərimizi dağıtmaq üçün sərhəddən hücum edirsə, biz həmin sərhəddə onları dayandırmaq məcburiyyətindəyik."-deyə Zelenski bildirib

Kreml isə iddia edir ki, bəzi Rusiya kəndləri Ukrayna dəstələri tərəfindən ələ keçirilib. Lakin Kiyev bu məlumatları təsdiqləmir. Hərbi ekspertlər bildirir ki, bu etiraf Ukraynanın hərbi strategiyasında ciddi dəyişikliklərin göstəricisidir və müharibənin coğrafiyasını rəsmi şəkildə genişləndirir.

Hazırda dünya birliyi bu yeni mərhələni diqqətlə izləyir. Ukraynanın müdafiə deyil, həm də hücum mövqeyinə keçməsi regional sabitliyə təsir edə, hətta münaqişənin miqyasını böyüdə bilər.

//Nəzərbəy Hacıağayev, Strateji.az