İngiltərə hökuməti, "cinayət işləmə ehtimalı ən yüksək şəxsləri" müəyyənləşdirmək üçün süni intellekt və alqoritmalarla işləyən bir "cinayət təxmin" proqramı üzərində işə başlayıb. Strateji.az Türkiyənin "Hürriyət" qəzetinə istinadən xəbər verir ki, "The Guardian" qəzetində yayımlanan xəbərə görə, şəxsi məlumatlardan istifadə edərək hazırlanacaq bu "cinayət təxmin" proqramı ilə zorakı cinayətlərinin qarşısının alınması nəzərdə tutulub.
İngiltərə Ədliyyə Nazirliyi, bu proqramın ictimai təhlükəsizliyi artırmaqda kömək edəcəyini ümid edir.
Proqram çərçivəsində polis qeydləri, şərti azadlıq məlumatları və digər rəsmi mənbələrdən əldə edilən şəxsi məlumatlar analiz ediləcək. İsim, doğum tarixi, etnik mənsubiyyət kimi əsas məlumatlarla yanaşı, psixoloji sağlamlıq tarixi, asılılıq vəziyyəti və ailə içi zorakılıq təcrübələri kimi həssas məlumatlar da bu təhlillərə daxil olacaq.
Bu cür layihələr, həm müsbət təsir yaratmağı hədəfləsə də, etik sualları və məxfilik məsələlərini də gündəmə gətirir. Cinayətin əvvəlcədən təxmin edilməsi ideyası, ictimai təhlükəsizliyi gücləndirməyə çalışsa da, şəxsi hüquqların pozulması riski daşıyır.
//Nəzərbəy Hacıağayev, Strateji.az