Geriyə qayıt Çap et

İsrailin İordan çayının Qərb sahilindəki hücumunda 3 fələstinli yaralanıb

 İsrailin nəzarəti altındakı İordan çayının Qərb sahilində həyata keçirdiyi son hücum nəticəsində 3 fələstinli yaralanıb. Strateji.az "haberler.com" saytına istinadən xəbər verir ki,  Fələstin rəsmi xəbər agentliyi WAFA-nın məlumatına görə, israillilər bölgədəki mal-qaranı otarmağa cəhd göstərərkən yerli sakinlərə atəş açıblar.

2023-cü ilin əvvəlindən etibarən Qərb sahilində fələstinlilərə qarşı ümumilikdə 860 hücum qeydə alınıb.

Xatırladaq ki, İsrail 7 oktyabr 2023-cü ildən etibarən Qəzza zolağına genişmiqyaslı hərbi əməliyyatlara başlayıb. Bu tarixdən sonra həm nəzarəti altındakı Qərb sahilində, həm də Şərqi Qüdsdə fələstinlilərə qarşı reydlər, həbslər və silahlı hücumların sayı artıb.

Rəsmi statistikaya görə, 7 oktybr 2023-cü ildən bəri İsrail əsgərləri və fələstin torpaqlarını nəzarət edən israillilərin hücumları nəticəsində Qərb sahili və Şərqi Qüdsdə 171-i uşaq olmaqla ümumilikdə 956 fələstinli həyatını itirib, təxminən 7 min nəfər isə yaralanıb.

//Məleykə Bayramova, Strateji.az