Azərbaycan Premyer Liqasının XXXI turu çərçivəsində keçirilən "Turan Tovuz"-"Sumqayıt" oyunu başa çatdı. Matç 1:4 "Sumqayıt"ın xeyrinə sonlandı.
xxxx
Oyunun 90+5-ci dəqiqəsində Cordan Rezabala "Sumqayıt"ın dördüncü topuna imza atdı-"Turan-Tovuz"-"Sumqayıt"-1:4
xxxxx
Oyunun 88-ci dəqiqəsində Səbuhi Abdullazadə "Sumqayıt"ın üçüncü topuna imza atdı-"Turan Tovuz"-"Sumqayıt"-1:3
xxxx
Oyunun 52-ci dəqiqəsində "Turan Tovuz" Otto Conun penaltidən qolu ilə hesab arasındakı fərqi azaltdı-"Turan Tovuz"-"Sumqayıt"-1:2
xxxx
"Turan Tovuz"-"Sumqayıt" oyununda tərəflər fasiləyə yollandı. İlk hissədən sonra "Sumqayıt" 0:2 hesabda irəlidədir.
xxxxx
Oyuun 22-ci dəqiqəsində Erik Sorqa "Sumqayıt"ın ikinci topa imza atdı-"Turan Tovuz"-"Sumqayıt"-0:2
xxxxx
Bu gün futbol üzrə Azərbaycan Premyer Liqasında XXXI tura start verilib. PFL açlış gününə bir qarşılaşma təyin edib.
Günün açlış matçında "Turan Tovuz" "Tovuz Şəhər Stadionu"nda gənclik şəhər təmsilçisi "Sumqayıt"ı qəbul edir. Meydan sahibləri mövqeylərini yüksəltmək üçün bu matçdan üç xalla ayrılmaq istəyir. "Sumqayıt" isə mövqeyini qorumaq üçün Tovuzda qələbə qazanmaq istəyir. Hakim Əliyar Ağayevin idarə etdiyi qarşılaşmada artıq oyunun 15-ci dəqiqəsində "Sumqayıt" "Turan Tovuz"un heyətindən Şəhriyar Əliyevin avtoqolu ilə hesabı açdı-"Turan Tovuz"-"Sumqayıt"-0:1
Turun digər görüşləri sabah və bazar günü keçiriləcək.
Şənbə günü ilk olaraq "Qarabağ" "Tofiq Bəhramov adına Respublika Stadionu"nda "Qəbələ"ni qəbul edəcək. Çempionluğu rəsmləşdirən "köhlən atlar" oyun ritminin itməməsi üçün audsayderlə oyunda növbəti qələbəsini qazanmaq istəyir. "Qəbələ" isə uğursuzluqdan sonra yeni baş məşqçisi ilə motivasiyasız "Qarabağ"a qalib gəlmək haqqında düşünəcək.
Günün ikinci qarşılaşmasında "Zirə" "Zirə İdman Kompleksinin Stadionu"nda "Neftçi"ni qəbul edəcək. "Mavi qartallar" ikinci pilləyə yüksəlmək bu oyunda mütləq qələbə qazanmalıdır. "Neftçi" isə həm mövqeyini qorumaq, həm də "Zirə"dən uzaqlaşmaq üçün bu oyunda üç xalı hədəfləyib.
Turun digər görüşləri Bazar günü keçiriləcək.
İlk olaraq qədim Gəncə təmsilçisi "Kəpəz" "Tovuz Şəhər Stadionu"nda "Sabah"ı qəbul edəcək. "Sabah" bu oyunda növbəti qələbəsini qazanaraq avrokuboklara vəsiqə verən yer uğrunda mübarizə aparmaq istəyir. Nizami yurdunun təmsilçiləri isə bu matçda ən azı məğlub olmamaq haqqında düşünəcək.
Günün və turun sonuncu qarşılaşmasında "Araz-Naxçıvan" "Liv Bona Dea Arena"da "Səbail"i qəbul edəcək. Muxtar Respublika təmsilçisi yeni baş məşqçisi ilə ilk qələbəsini qazanmaq istəyir. "Dənizçilər"də yüksək yerlər uğrunda mübarizədən geri qalmamaq üçün bu matçdan qalib ayrılmaq istəyir.