İtaliya A seriyasında çempionluq yolunda inamla irəlləyən "İnter" klubunun oyunçuları artıq bir çox klubların diqqət mərkəzindədir. Strateji.az "sporx" saytına istinadən xəbər verir ki, Milan təmsilçisi artıq oyunçuları üçün qiymət də təyin edib.
Artıq "İnter"in mərkəz oyunçusu Nikola Barella iki İngiltərə Premyer Liqasında mübarizə aparan klubun diqqətindədir. "Nerazzurri" Barrallanın transferi üçün 60 milyon avro təyin edib. Milan təmsilçisi bu qiymətdən az olan təkliflərə baxmayacağını açıqlayıb.
Qeyd edək ki, Barellanın "İnter"lə 2026-cı ilə qədər müqaviləsi mövcuddur. O "mavi-göylər"in heyətində 42 oyunda 2 qol və 7 məhsuldar ötürmə ilə yadda qaldı.
//Nəzərbəy Hacıağayev, Strateji.az