Geriyə qayıt Çap et

DİN: Sabirabadda öldürülüb Kürə atılan 16 yaşlı gəlinin anasının itkin düşmə faktı yoxdu-YENİLƏNİB

 Sabirabadda 16 yaşlı qətlə yetirlən gəlinin anası ilə bağlı məlumat yayılmışdı. Məlumata əsasən hadisədən sonra gəlinin anası yoxa düşüb.

Məsələ ilə bağlı DİN-nin Mətbuat Xidmətinin Şirvan regional qrupundan Strateji.az saytına  bildirilib ki, məlumat yoxlanılıb. DİN-nin Mətbuat Xidmətinin Şirvan regional qrupundan itkin düşmə faktı yoxdur.


xxxxxx

 Sabirabadda 16 yaşlı gəlinin qətlə yetirilməsi ilə bağlı daha bir təfərrüat məlum olub.

Strateji.az  oxu.az-a istinadən xəbər verir ki, qətl hadisəsindən sonra gəlinin anası yoxa çıxıb. Sonuncu dəfə qadın qızı qətlə yetirilən gün evində olsa da, hadisədən sonra o, yaşadığı evdən çıxıb və bir daha həmin ünvana qayıtmayıb. Qadının harada olduğu barədə dəqiq məlumat yoxdur.

Qonşularının dediyinə görə, sonuncu dəfə onu qətl hadisəsi baş verən gün səhər saatlarında görüblər. Həmin andan etibarən qadından məlumat yoxdur. Hadisədən sonra Şirvan Şəhər İcra Hakimiyyətinin nümayəndələri həmin ünvana gəlsələr də, onu tapa bilməyiblər.

Məlumata görə, qadın həmin vaxtdan sonra başqa ünvana köçüb.

Xatırladaq ki, mayın 20-də Kür çayının Sabirabad rayonu ərazisindən keçən hissəsində 2009-cu il təvəllüdlü Nuranə Ələkbərovanın meyiti tapılıb.

İlkin araşdırmalarla 2004-cü il təvəllüdlü Seyidrəsul Talıbzadənin mayın 18-də rayonun Güdəcühür kəndi yaxınlığında yerləşən meşəlik ərazisində aralarında yaranmış mübahisə zamanı həyat yoldaşı Nuranə Ələkbərovanı qəsdən öldürməsi və meyitini suya atmasına əsaslı şübhələr müəyyən edilib.

Faktla bağlı rayon prokurorluğunda Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanıb.

Seyidrəsul Talıbzadə prokurorluq tərəfindən şübhəli şəxs qismində tutulub.