Geriyə qayıt Çap et

Papa Qəzza ilə bağlı xəbərdarlıq etdi: "Vəziyyət getdikcə daha da narahatedici hal alır"

 Katolik Kilsəsinin yeni lideri seçilən XIV Leo ilk dəfə içtimaəti qəbul edib. Strateji.az Türkiyənin "Hürriyət" qəzetinə istinadən xəbər verir ki, Papa çıxışı zamanı münaqişə bölgələrindən bəhs edib.

Vatikanda minlərlə insanın qarşısında çıxın edən Roma Papası xüsusi olaraq Qəzzadakı vəziyyətin üzərində dayanıb. O Qəzzada vəziyyətin getdikcə daha da narahatedici hal aldığını bildirib. 

"Qəzzada uşaqlar, qadınlar və yaşlılar günbəgün ölüm təhlükəsi ilə üz-üzə qalır. Bu vəziyyət təkcə region üçün deyil, bütün bəşəriyyət üçün ciddi həyəcan siqnalıdır."-deyə Roma Papası bildirib.

Katolik lider beynəlxalq birliyi sülhə çağıraraq, Qəzzada humanitar atəşkəsin vacibliyini xüsusi vurğulayıb. O, dualarının yalnız Katoliklər üçün deyil, əziyyət çəkən bütün insanlar üçün olduğunu söyləyib.

//Şəfa Yusifzadə, Strateji.az