Yunanıstan Səhiyyə Təşkilatı (EODY) əhaliyə müraciət edib.Strateji.az "haberler.com" saytına istinadən xəbər verir ki, qurum ağcaqanad dişləməsi ilə yayılan Qərbi Nil virusuna qarşı xəbərdarlıq yayıb.
Müraciətdə xüsusilə yay və payız aylarında ehtiyat tədbirləri görmək tövsiyə olunur. Açıqlamada bildirilib ki, virus hər il bir çox ölkədə qeydə alınır. 2010-cu ildən bəri Yunanıstanda da demək olar ki, hər il bu virus aşkarlanır. 2025-ci ilin yayında da yeni yoluxma hallarının baş verəcəyi gözlənilir. EODY vətəndaşlara qoruyucu məsləhətlər təqdim edib. Son 15 ildə ölkədə ümumilikdə 2088 nəfər bu virusa yoluxub. Onlardan 1471 nəfərdə sinir sistemi pozuntuları müşahidə olunub.292 nəfər isə həyatını itirib.
//Şəfa Yusifzadə, Strateji.az