İsrailin nəzarəti altındakı İordan çayının qərb sahilində yenidən qanlı hadisələr baş verib. Strateji.az "haberler.com" saytına istinadən xəbər verir ki, Ramallah yaxınlığındakı Deir Dibvan qəsəbəsində yəhudi məskunlaşanlar fələstinlilərin evlərini və avtomobillərini yandırıblar.
Hücum nəticəsində 10 fələstinli yaralanıb. Yerli mənbələrin məlumatına görə, məskunlaşanlar yanğına və yaralılara müdaxilə etmək istəyən təcili yardım və yanğınsöndürmə qruplarının əraziyə girişinə imkan verməyiblər. Hadisə zamanı İsrail əsgərləri isə yəhudi məskunlaşanları qoruyaraq, qəsəbənin giriş-çıxışını bağlayıblar.
//Aytən Əsgərova, Strateji.az