Geriyə qayıt Çap et

Tom Barrak Netanyahu ilə görüşdü

 ABŞ-ın Ankaradakı səfiri Tom Barrak İsrailin Baş naziri Benyamin Netanyahu ilə Qüdsdə görüşdüyünü açıqlayıb. Strateji.az Türkiyənin "Hürriyət" qəzetinə istinadən xəbər verir ki,  o, bu barədə paylaşımını şəxsi "X" hesabında yayımlayıb.

Barrak görüşdən sonra verdiyi bəyanatda bildirib ki, keçmiş ABŞ Prezidenti Donald Trampın mövqeyinə əsasən, Suriya heç bir dövlətin və ya qeyri-dövlət aktorunun İsrail və qonşu ölkələri təhdid etməsi üçün platforma ola bilməz.

30 may tarixində Suriya televiziyasına müsahibə verən diplomat, İsrail-Suriya münasibətləri və mümkün danışıqlar prosesindən danışmışdı.

O, İsrail və ABŞ arasındakı əlaqələrin dini əsaslara deyil, strateji və təhlükəsizlik maraqlarına dayandığını vurğulayıb. Barrakın sözlərinə görə, Vaşinqton bu məsələdə sadəcə dialoqun başlamasına yardımçı olmaq niyyətindədir və əsas məqsəd bölgədə sülhə nail olmaqdır.

Səfir qeyd edib ki, İsrail və Suriya arasında barışın ilk addımı kimi qarşılıqlı hücumlardan imtina razılaşması imzalanmalı, daha sonra isə sərhədlərlə bağlı qarşılıqlı anlaşma əldə oluna bilər.

//Şəfa Yusifzadə, Strateji.az