Bu gün futbol üzrə Azərbaycan millisi növbəti yoldaşlıq görüşünə çıxıb.
Fernandu Santuşun baş məşqçisi olduğu komanda səfərdə Latviya yığması ilə qarşılaşıb.
Riqadakı “Skonto” stadionunda keçirilən qarşılaşmada qapılara qol vurulmayıb. Millimizin 2025-ci ildə ilk qələbə qazanmaq arzusu növbəti dəfə təxirə salınıb.
Bundan başqa, yığmamız bu il keçirdiyi üçüncü oyunda da fərqlənə bilməyib. Futbolçularımız martda keçirdikləri iki qarşılaşmada Belarusa 2, Haitiyə isə 3 cavabsız qolla məğlub olmuşdular.
Latviya ilə görüşü də nəzərə alsaq millimiz artıq 5 oyundur rəqib qapıçılarını məyus edə bilmir.
Yoldaşlıq görüşü
7 iyun
17:00. Latviya - Azərbaycan - 0:0