ABŞ Prezidenti Donald Trampın administrasiyası Harvard Universitetinə məlumat verib ki, araşdırma universitetin yəhudi və israilli tələbələrlə rəftarına görə federal vətəndaş hüquqları qanununu pozduğunu aşkar edib.
Strateji.az xəbər verir ki, bu barədə "The Wall Street Journal" yazır.
Harvardın prezidenti Alan Qarberə bazar ertəsi göndərilən və nəşrin əldə etdiyi məktubda deyilir: "Dərhal adekvat dəyişikliklərin edilməməsi bütün federal maliyyə resurslarının itirilməsi ilə nəticələnəcək və Harvardın federal hökumətlə münasibətlərinə təsir etməkdə davam edəcək".
Bundan əvvəl Boston federal məhkəməsi ABŞ prezidenti Donald Tramp administrasiyasının Harvard Universitetində təhsil alan əcnəbi tələbələrin ABŞ-ayə girişinə qadağa qoyulması barədə qərarını növbəti hüquqi addımlar atanadək bloklayıb.
May ayında federal hakim ABŞ administrasiyasının Harvard Universitetinə əcnəbi tələbələri qəbul etməyi qadağan edən qərarını blokladı. Müvəqqəti qadağa hökumətin Harvard universitetə xarici tələbələrin ABŞ-də təhsil almasına icazə verən sertifikatdan məhrum edilməsinin qarşısını alır.
Daha əvvəl xəbər verildiyi kimi, Ağ Ev Harvard Universitetinin xarici ölkələrdən tələbə qəbulu icazəsini dayandırıb. Səlahiyyətlilərin bildirdiyinə görə, Fələstin tərəfdarları İsrailin Qəzza zolağındakı hərbi əməliyyatlarına qarşı çıxdıqları üçün universitet yəhudi tələbələrin təhlükəsizliyini tam təmin edə bilmir. Buna cavab olaraq universitet Boston federal məhkəməsində iddia qaldırıb.
Şəfa Yusifzadə