Geriyə qayıt Çap et

Zelenski: Ukrayna hökumətin genişmiqyaslı transformasiyasına hazırlaşır

Ukrayna Prezidenti Volodimir Zelenski


Ukrayna hökumətin, icra qurumlarının genişmiqyaslı transformasiyasına hazırlaşır. Dövlət aparatının saxlanması xərclərinin azaldılması və daha çox resursların ölkəni qorumaq üçün yönəldilməsi planlaşdırılır.

Strateji.az xəbər verir ki, bu barədə Ukrayna Prezidenti Volodimir Zelenski axşam müraciətində məlumat verib.

"Biz həmçinin dövlət aparatının saxlanması xərclərini azaldacaq, əhəmiyyətli tənzimləməni təmin edəcək və maksimum mövcud resursları Ukrayna və ukraynalıları qorumaq üçün yönəldəcək nəzərəçarpacaq idarəetmə transformasiyası hazırlayırıq. Biz icra hakimiyyətinin gələcək konfiqurasiyasını müəyyənləşdiririk", - Zelenski deyib.

Zelenski, həmçinin iyulun 13-də Ukrayna hökumətinin başçısı Denis Şmıqalla görüş keçirib. Görüş zamanı gələcək strateji addımlar müzakirə olunub.


Şəfa Yusifzadə