Geriyə qayıt Çap et

“Əlilliyə Erkən Yardım Portec Şəbəkəsi” İctimai Birliyi Azərbaycan Milli QHT Forumunun üzvü oldu

 

05.02.2025-ci il tarixində “Əlilliyə Erkən Yardım Portec Şəbəkəsi” İctimai Birliyi Azərbaycan Milli Qeyri-Hökumət Təşkilatları Forumunun üzvlüyünə qəbul olunaraq yeni üzvlük vəsiqəsini əldə edib.

Bu addım Birliyin ölkədə və beynəlxalq müstəvidə fəaliyyət imkanlarını genişləndirməyə, vətəndaş cəmiyyəti institutları ilə əməkdaşlığı gücləndirməyə, eləcə də sosial sahədə daha genişmiqyaslı təşəbbüslərin həyata keçirilməsinə şərait yaradacaq.

“Əlilliyə Erkən Yardım Portec Şəbəkəsi” İctimai Birliyi bundan sonra da inklüziv cəmiyyətin inkişafına, əlilliyi olan şəxslərin sosial müdafiəsinə, uşaq və gənclərin sosial rifahının yaxşılaşdırılmasına yönəlmiş fəaliyyətini davam etdirəcək.

Yeni üzvlük Birliyin təşkilati inkişafında mühüm mərhələ kimi qiymətləndirilir və gələcək əməkdaşlıqlar üçün yeni imkanlar açır.