Geriyə qayıt Çap et

“Əlilliyə Erkən Yardım Portec Şəbəkəsi” İctimai Birliyi Batumidə beynəlxalq seminarda təmsil olundu

 
Gürcüstanın Batumi şəhərində “Events for Future” təşəbbüsü çərçivəsində “Davamlı Tədbirlərin İdarəedilməsi” mövzusunda beynəlxalq seminar keçirilmişdir. Tədbirdə Azərbaycanı “Əlilliyə Erkən Yardım Portec Şəbəkəsi” İctimai Birliyinin layihələrin idarə edilməsi üzrə İcraçı Direktoru Emin Mehdizadə təmsil edib.
Seminar Almaniya Beynəlxalq Əməkdaşlıq Cəmiyyəti (GIZ) tərəfindən həyata keçirilən “Azərbaycanda ictimai iştirakçılığın gücləndirilməsi” layihəsi çərçivəsində Beynəlxalq Təhsil Mərkəzi (IBB gGmbH) tərəfindən təşkil olunub.
Seminarın məqsədi
İştirakçıların davamlı tədbirlərin təşkili sahəsində praktiki bilik və bacarıqlarını inkişaf etdirmək, müxtəlif ölkələrdən olan nümayəndələrlə əməkdaşlıq imkanlarını genişləndirmək və regional təcrübə mübadiləsini gücləndirmək olub.
Proqram çərçivəsində keçirilən əsas fəaliyyətlər:
“Palma yağı” adlı interaktiv təlim oyunu – davamlı qərar qəbuletmə və balanslaşdırılmış yanaşmaların öyrənilməsi
Azərbaycanın dayanıqlı təşəbbüslərinin təqdimatı

 “Davamlı Batumi” şəhər kvesti və ictimai məkanlarla bağlı müşahidələr

 Seminarın keçirildiyi Radisson Blu Batumi otelinin davamlılıq baxımından auditi

 İştirakçıların öz konseptual tədbir planlarının hazırlanması və təqdimatı

 Ölkələrarası əməkdaşlıq imkanlarının müzakirəsi və ideya emalatxanaları
Seminarda Azərbaycan, Gürcüstan, Ukrayna, Almaniya və Polşadan olan QHT nümayəndələri və fəallar iştirak edərək davamlı inkişaf üzrə müxtəlif yanaşmalar və real təcrübələrini bölüşüblər.
Emin Mehdizadənin təəssüratı
“Davamlı tədbirlərin təşkili üzrə bu səviyyədə beynəlxalq təcrübə ilə tanış olmaq və ölkəmizdə tətbiq edilə biləcək həlləri birgə müzakirə etmək çox dəyərli oldu. Əməkdaşlığa və komanda ruhuna əsaslanan bu proses bizə həm də gələcək layihələr üçün ideyalar qazandırdı.