Geriyə qayıt Çap et

“Səyyahlar” İctimai Birliyi 2021-ci ilin yekunlarını açıqladı

 

 

2021-ci il ərzində “Səyyahlar Təbii Sərvətlərin və Ətraf Mühitin Araşdırılması və Tanıdılması” İctimai Birliyi fəaliyyətini pandemiya şəraitinə uyğun olaraq əsasən onlayn formatda davam etdirib.


Birliyin sədri Elsəvər Cəlilovun sözlərinə görə, ötən il ərzində 10-dan artıq onlayn təlim, müzakirə və ekoloji maarifləndirici görüş keçirilib. Tədbirlərdə məktəblilər, tələbələr və ekoloji fəallar iştirak edərək təbiətin mühafizəsi, biomüxtəlifliyin qorunması və təbii sərvətlərin səmərəli istifadəsi kimi mövzular ətrafında fikir mübadiləsi aparıblar.


Cəlilov bildirib ki, pandemiya dövrü birliyin fəaliyyətini məhdudlaşdırsa da, bu dövr yeni imkanlar da yaradıb:


“Biz Zoom və sosial platformalar üzərindən daha geniş auditoriyaya çıxmağı bacardıq. Bu da bizim üçün yeni bir mərhələnin başlanğıcı oldu.”


2021-ci ildə “Səyyahlar” İctimai Birliyi bir sıra region məktəbləri ilə əməkdaşlıq əlaqələri qurub, “Gənclər üçün Ekoloji Maarifləndirmə” adlı maarif kampaniyasına start verib. Layihə çərçivəsində 500-dən çox gənc ekoloji mövzularda interaktiv təlimlərdə iştirak edib.


İctimai Birlik 2022-ci ildə fəaliyyətini genişləndirərək, təbiətsevər gənclər üçün regional ekoturlar, ekoloji forumlar və yeni onlayn layihələr təşkil etməyi planlaşdırır.