Geriyə qayıt Çap et

“Səyyahlar” İctimai Birliyi 2022-ci ilin fəaliyyət hesabatını açıqladı

 

“Səyyahlar Təbii Sərvətlərin və Ətraf Mühitin Araşdırılması və Tanıdılması” İctimai Birliyi 2022-ci il üzrə fəaliyyət hesabatını təqdim edib. İl ərzində təşkilat ekoloji maarifləndirmə, təbiətin mühafizəsi və gənclərin ətraf mühit mövzusunda biliklərinin artırılması istiqamətində mühüm layihələr həyata keçirib.


Birliyin sədri Elsəvər Cəlilov bildirib ki, 2022-ci il təşkilat üçün yeni əməkdaşlıqlar və genişləndirilmiş maarifləndirmə təşəbbüsləri ilə yadda qalıb:


“Bu il biz ekoloji savadlılığın artırılması məqsədilə həm onlayn, həm də kiçikhəcmli əyani tədbirlərə üstünlük verdik. Pandemiya məhdudiyyətlərinin azalması imkan verdi ki, fəaliyyətimizi daha geniş auditoriya ilə həyata keçirək.”


2022-ci il üzrə başlıca fəaliyyət istiqamətləri bunlar olub:


·         8 ekoloji maarifləndirici onlayn seminar və vebinar


·         3 məktəb üzrə ekoloji klubun yaradılması


·         Gənclər üçün “Təbiəti Kəşf Et” mövzusunda ekoloji bilik müsabiqəsi


·         Ekoturizmə dair maarif kampaniyası və sosial çarxların hazırlanması


Ümumilikdə il ərzində 900-dən çox şagird və gənc bu tədbirlərə qoşulub.


Elsəvər Cəlilov əlavə edib ki, “Səyyahlar” İctimai Birliyinin məqsədi ekoloji düşüncəni artırmaqla yanaşı, gənclərin təbiətə real töhfə verən layihələrə cəlb edilməsidir. Bu məqsədlə 2023-cü ildə ekoloji məktəblərin sayının artırılması, bölgələrdə açıq havada ekoturların keçirilməsi planlaşdırılır.