Geriyə qayıt Çap et

“Səyyahlar” İctimai Birliyi ekoloji maarifləndirməni məktəblilər arasında genişləndirir

  

“Səyyahlar Təbii Sərvətlərin və Ətraf Mühitin Araşdırılması və Tanıdılması” İctimai Birliyi fəaliyyətinin əsas hədəf qrupunun məktəblilər olduğunu açıqlayıb. Birlik hesab edir ki, ekoloji düşüncənin formalaşması üçün ən doğru başlanğıc nöqtəsi məktəb yaşından etibarən maarifləndirmənin gücləndirilməsidir.


Birliyin sədriElsəvər Cəlilov qeyd edib ki, uşaqlarda və yeniyetmələrdə təbiətə qarşı məsuliyyətli münasibətin formalaşdırılması gələcəyin ekoloji təhlükəsizliyinin əsas şərtidir:


“Əgər biz təbiəti qoruyan və ekoloji cəhətdən dəyərli qərarlar verən bir cəmiyyət formalaşdırmaq istəyiriksə, bunu məktəbdən başlamaq lazımdır. Bu səbəbdən fəaliyyətimizin mərkəzində məhz məktəblilər dayanır.”


Bu istiqamətdə Birlik son dövrlərdə bir sıra layihələr həyata keçirir:


·         Məktəblərdə ekoklub fəaliyyətinin təşkili və təlimlər


·         “Təbiəti Kəşf Et” adlı ekoloji maarifləndirmə proqramı


·         Virtual ekoloji dərslər və interaktiv vebinarlar


·         Şagirdlər üçün ekoturlar və təbiət müşahidəsi günləri


Proqramlar vasitəsilə şagirdlər ətraf mühitin qorunması, biomüxtəliflik, iqlim dəyişikliyi və təbii sərvətlərin davamlı istifadəsi mövzularında bilik əldə edir, eyni zamanda ekoloji vərdişlər formalaşdırırlar.