Geriyə qayıt Çap et

Biomüxtəlifliyin qorunması mövzusunda onlayn görüş keçirildi

 

“Səyyahlar Təbii Sərvətlərin və Ətraf Mühitin Araşdırılması və Tanıdılması” İctimai Birliyi tərəfindən “Təbiətin Mühafizəsi və Biomüxtəlifliyin Qorunması” mövzusunda onlayn görüş təşkil edilib. Zoom platforması üzərindən keçirilən tədbirdə müxtəlif yaş qruplarından 120-dən çox iştirakçı bir araya gəlib.


Görüşün əsas məqsədi gənclər arasında biomüxtəliflik anlayışını, onun əhəmiyyətini və təbiətin qorunması yönündə fərdi töhfə imkanlarını artırmaq olub. Tədbirdə ekoloqlar, müəllimlər və ekoloji fəallar çıxış edərək canlı növlərinin azalması, insan fəaliyyətinin təbiətə təsirləri və ekosistemin balansının qorunması ilə bağlı məlumatlar veriblər.


Tədbir çərçivəsində aşağıdakı mövzular müzakirə olunub:


·         Biomüxtəliflik nədir və niyə vacibdir?


·         Bitki və heyvan növlərinin mühafizəsində maarifləndirmənin rolu


·         Gənclərin biomüxtəlifliyin qorunması istiqamətində təşəbbüsləri


·         Yerli ekosistemlərin öyrənilməsi və müşahidə proqramları


İştirakçılar interaktiv sual-cavab sessiyasında öz fikir və təkliflərini bölüşüblər. Tədbirin sonunda gənclərin iştirakı ilə həyata keçirilə biləcək “Kiçik ekoloji layihə ideyaları” adlı mini beyin mərkəzi təşkil olunub.