“Səyyahlar Təbii Sərvətlərin və Ətraf Mühitin Araşdırılması və Tanıdılması” İctimai Birliyi gənclərin Azərbaycanın təbii sərvətləri ilə bağlı biliklərini artırmaq məqsədilə növbəti onlayn görüşünü təşkil edib. “Azərbaycanın Təbii Sərvətləri – Gənclər üçün Maarif Saatı” adlı görüşə 140 iştirakçı qoşulub.
Görüş zamanı ölkənin müxtəlif bölgələrində yerləşən flora, fauna, mineral ehtiyatlar, su hövzələri və qorunan ərazilər haqqında məlumat verilib. Məqsəd — gənclərdə təbiətə marağı artırmaq və onları araşdırma fəaliyyətlərinə cəlb etmək olub.
Tədbirdə iştirak edən müəllim və mütəxəssislər ekoloji biliklərin uşaqlara erkən yaşdan aşılanmasının vacibliyini vurğulayıblar. Görüş interaktiv sual-cavab və “Azərbaycanın təbiəti haqqında qısa viktorina” ilə tamamlanıb.