Geriyə qayıt Çap et

Onlayn görüş: Gənclər arasında ekoturizm mədəniyyəti təşviq edilir

 

 "Səyyahlar Təbii Sərvətlərin və Ətraf Mühitin Araşdırılması və Tanıdılması” İctimai Birliyi “Ekoturizm və Sağlam Yaşam Mədəniyyəti” mövzusunda onlayn görüş keçirib. Görüşdə ekoturizmin əhəmiyyəti, təbiətə zərər vermədən səyahət qaydaları və yaşıl həyat tərzinin təbliği müzakirə edilib.


Çıxış edən qonaqlar ekoturizmin həm insan sağlamlığı, həm də təbiətin qorunması baxımından üstünlüklərini vurğulayıblar. İştirakçılara dağ yürüşləri zamanı ekologiyaya zərər vurmadan davranış qaydaları, “yaşıl səyahət çantası” konsepti və məsuliyyətli turizm davranış kodeksi təqdim edilib.


Görüşün sonunda iştirakçılar üçün “Eko-Yürüş” adlı simvolik çağırış elan olunub. Çağırışda gənclər açıq havada kiçik fərdi yürüş edərək bir ədəd təbiət fotosunu sosial mediada paylaşmağa təşviq olunublar.