Geriyə qayıt Çap et

“İqlim Dəyişikliyi və Gənclərin Rolu” mövzusunda onlayn təlim keçirildi


“Səyyahlar Təbii Sərvətlərin və Ətraf Mühitin Araşdırılması və Tanıdılması” İctimai Birliyi tərəfindən təşkil olunan “İqlim Dəyişikliyi və Gənclərin Rolu” adlı onlayn təlimə 160-dan çox iştirakçı qatılıb. Təlim zamanı qlobal iqlim dəyişikliyi, səbəblər, nəticələr və qarşısının alınması üzrə fərdi və kollektiv fəaliyyətlər müzakirə edilib.


Təlim xüsusilə gənclərin iqlim fəaliyyətinə qoşulmasının vacibliyini vurğulayıb. Mütəxəssis qonaqlar karbon izi, tullantıların azaldılması, yaşıl enerji və ekoloji təşəbbüslərin planlaşdırılması haqqında faydalı məlumatlar təqdim edib.


Təlim yekununda gənclərə “Kiçik Yaşıl Addım” adlı ekofəaliyyət vərəqi təqdim olunub. İştirakçılar 7 günlük ekoloji vərdiş proqramı ilə öz gündəlik həyatlarında dəyişiklik etməyə təşviq ediliblər.