Geriyə qayıt Çap et

Boçorişvili: Gürcüstanın Aİ-yə üzvlük prosesini dayandırması barədə iddia yalandır

Gürcüstanın xarici işlər naziri Maka Boçorişvili


Kiminsə Gürcüstanın Avropa İttifaqına qoşulma prosesini dayandırdığını deməsi dezinformasiya və manipulyasiyadır, bu iddia yalandır.

Strateji.az  xəbər verir ki, bunu Gürcüstanın xarici işlər naziri Maka Boçorişvili “Imedi” telekanalının “Imedi Live” proqramında deyib.

Nazir bildirib ki, Gürcüstan avrointeqrasiyanı siyasi mübarizə vasitəsi kimi istifadə etməməyə çalışıb.

“Elə manipulyasiya yolundan istifadə edilir ki, guya Gürcüstan dialoqu dayandırıb. Brüssel Gürcüstanla dialoqu 2024-cü ilin iyununda dayandırıb və payızda bunda Gürcüstan hökumətini ittiham edib”, - Boçorişvili əlavə edib.

XİN başçısı Avropa İttifaqının Gürcüstanla vizasız rejimin mümkün dayandırılması məsələsini də şərh edib. Onun sözlərinə görə, əgər Brüssel gürcü xalqını demokratiyaya görə cəzalandırmaq üçün bu çətin qərarı qəbul etsə, məsuliyyət Brüsselin üzərində olacaq.


Şəfa Yusifzadə