İsrail Livanda fəaliyyət göstərən Hizbullahın hərbi hədəflərinə zərbələr endirib. Strateji.az "haberler.com" saytına istinadən xəbər verir ki, bu barədə məlumatı İsrail tərəfi yayıb.
Məlumatda bildirilib ki, Kefir Kella və Əl-Hiyam bölgələrində hərbi təsisatlara hərbi təyyarələrlə havadan zərbələr endirilib. İsrail ordusunun məlumatında o da qeyd olunub ki, Hizbullah İsrailin Doviv bölgəsinə iki raket zərbəsi endirməyə cəhd edib. Endirilən raketlər boş sahəyə düşüb.
Qeyd edək ki, İsrail ordusu ilə Hizbullah arasında 8 oktyabr 2023-cü il tarixindən bu yana davam edən qarşıdurmalarda 287 Hizbullah üzvü, 56 Livanlı mülki vətəndaş, 18 Əməl Hərəkatı, 13 Həmas, 12 İslami Cihad üzvü, 7 İsrail vətəndaşı və 12 əsgər həlak olub.
//Aytən Əsgərova, Strateji.az