Səudiyyə Ərəbistanından olan fitnes fenomeni Manahel əl-Otaibi 11 il həbs cəzasına məhkum edilib.
Strateji.az medianews.az-a istinadən bildirir ki, yanvar ayında həbs edilən fenomenin məhkəmə prosesi barədə şok detallar üzə çıxıb.
Məşhur fenomenin ölkənin 'terrorla mübarizə' qanunlarına uyğun olaraq həbs cəzasına məhkum edildiyi iddia edilsə də, İngiltərə mətbuatı onun cəzalandırılmasına səbəb kimi geyim seçimi və qadın hüquqlarını müdafiə etməsi olduğunu bildirib.
Səudiyyə Ərəbistanı tərəfindən verilən açıqlamada isə iddia edib ki, Əl-Otaibinin həbsinin sosial şəbəkələrdəki paylaşımları ilə əlaqə heç bir əlaqəsi yoxdur. Manahel əl-Otaibinin terror cinayətlərinə görə mühakimə olunduğu bildirilib.
"The Sun" qəzetinin yazdığına görə, "Amnesty İnternational" və Londonda yerləşən Səudiyyə insan haqları təşkilatı "Al Qst" terror ittihamlarını sərt şəkildə tənqid edib və Əl-Oteibinin əslində başqa səbəbə görə həbs edildiyini bildirib.
Təşkilatdan bildirilib ki, fenomenin cəzalandırılmasının əsas səbəbi onun sosial şəbəkələrdəki paylaşımlarında "uyğun olmayan" sayılan paltarlar geyinməsidir.