Azərbaycanlı şəhid ailələrinin Türkiyənin Çanaqqala və İstanbula səfəri təşkil edilib. Səfər Türk Əməkdaşlıq və Koordinasiya Agentliyinin (TİKA) təşkilatçılığı ilə gerçəkləşib.
Qurumun rəsmi "X" hesabında bununla bağlı paylaşım edilib.
Qeyd olunub ki, TİKA tərəfindən Azərbaycanın ərazi bütövlüyü uğrunda şəhid olan qəhrəman Vətən övladlarının valideynlərinin Çanaqqala və İstanbula səfəri təşkil olunub: "4 günlük səfərdə şəhid valideynləri Çanaqqala və İstanbulda muzeyləri ziyarət edəcək, Türk şəhid ailələri ilə görüşəcək".