
Yaponiyada 5,9 maqnitudalı zəlzələ nəticəsində 20-dən çox insan xəsarət alıb.
Bu barədə ölkənin yanğınsöndürmə və təcili yardım xidməti məlumat yayıb.
Zəlzələ avqustun 23-də Böyük Tokio bölgəsində baş verib. Episentr Tokio yaxınlığındakı İbaraki prefekturasında, ocaq isə 68 kilometr dərinlikdə yerləşib. Tokionun bəzi ərazilərində su boruları partlayıb, yolları su basıb, bəzi binalarda liftlər avtomatik dayanıb. Atom obyektlərində problem qeydə alınmayıb.
Şəfa Yusifzadə