
Ağ Evin mətbuat katibi Kerolayn Livittin vəzifəsindən ayrılması ABŞ Prezidenti Donald Tramp administrasiyasının bəzi üzvləri üçün gözlənilməz olub.
Bu barədə “Bloomberg“ mənbələrə istinadən məlumat verib.
Agentliyin məlumatına görə, aralıq seçkiləri ərəfəsində kadr dəyişiklikləri adi hal olsa da, Livittin gedişi Ağ Evdə bəzilərini təəccübləndirib.
“Bloomberg“ qeyd edir ki, Tramp Livittə əvəzləyici tapmağa tələsmir. Yeni mətbuat katibi təyin olunana qədər brifinqlərin prezident administrasiyasının üzvlərinin iştirakı ilə keçirilməsi planlaşdırılır.
Bu üsul Livittin bu ilin əvvəlində ikinci övladının dünyaya gəlməsi ilə əlaqədar məzuniyyətdə olduğu dövrdə də tətbiq edilmişdi.
Şəfa Yusifzadə