Azərbaycan Premyer Liqasının XXXIV turu çərçivəsində keçirilən "Neftçi"-"Kəpəz" oyunu başa çatdı. Matç 5:1 "Neftçi"nin xeyrinə başa çatdı. Bu qələbədən sonra "Neftçi" müvəqqəti olsada II pilləyə yüksəldi.
xxxx
Oyunun 86-cı dəqiqəsində Ağadadaş Salyanski "Neftçi"nin beşinci topuna imza atdı-"Neftçi"-"Kəpəz"-5:1
xxxxx
"Kəpəz" meydanda azlıqda qaldı. Oyunun 75-ci dəqiqəsində "Kəpəz"in heyətində Şakir Seyidov ikinci sarı vərəqəni alaraq meydandan qovuldu-"Neftçi"-"Kəpəz"-3:1
xxxxx
Oyunun 47-ci dəqiqəsində Andre Şinyaşiki dubl edərək özünün ikinci "Neftçi"nin üçüncü topuna imza atdı-"Neftçi"-"Kəpəz"-3:1
xxxx
"Neftçi" -"Kəpəz" oyununda tərəflər fasiləyə yollandı. İlk hissədən sonradan "Neftçi" 2:1 hesabda irəlidədir.
xxxx
Oyunun 45+2-ci dəqiqəsində Brayan Moreno "Neftçi"nin ikinci topuna imza ataraq komandasını hesabda irəli çıxartdı-"Neftçi"-"Kəpəz"-2:1
xxxx
Oyunun 44-cü dəqiqəsində "Neftçi" Andre Şinyaşikinin qolu ilə hesabı bərabərləşdirdi-"Neftçi"-"Kəpəz"-1:1
xxxxx
Bu gün futbol üzrə Azərbaycan Premyer Liqasında XXXIV tura start verilib. PFL bu günə bir qarşılaşma təyin edib.
Turun açılış oyununda ölkəmizin ən qocaman klubları üz-üzə gələcək. "Neftçi Arena"da "Neftçi" qədim Gəncə təmsilçisi "Kəpəz"i qəbul edir. "Neftçi" Avrokuboklara vəsiqə verən yerlər uğrunda mübarizəni davam etdirmək üçün bu matçdan üç xalla ayrılmağı düşünür. Güclü rəqiblərinə baş ağrısı olmağı bacaran Nizami Yurdunun təmsilçiləri də matçda ən azı məğlub olmamağı düşünür. Hakim Fərid Hacıyevin idarə etdiyi qarşılaşmada artıq oyunun 36-cı dəqiqəsində "Kəpəz" Latir Falın qolu ilə hesabı açdı-"Neftçi"-"Kəpəz"-0:1
Turun digər görüşləri Şənbə və Bazar günü keçiriləcək. Şənbə günü iki oyun keçiriləcək.
Şənbə günü ilk olaraq "Araz-Naxçıvan" "Liv Bona Dea Arena"da "Turan Tovuz"u qəbul edəcək. Keçən tur məğlub olan Muxtar Respublika Təmsilçisi bu tur növbəti qələbəsini qazanmağı hədəfləyir. Son günlərdə tənqidlərin hədəfində olan tovuzlularda matçdan qələbə ilə ayrılmağı hədəfləyir.
Günün ikinci qarşılaşmasında "Zirə" "Zirə İdman Kompleksinin Stadionu"nda çempionluğu rəsmiləşdirmiş "Qarabağ"ı qəbul edəcək. "Mavi qartallar" Avrokuboklara vəsiqə verən yerlər uğrunda mübarizə apardığı üçün bu oyunda motivasiyasız rəqibinə qalib gəlmək istəyir. "Qarabağ" isə oyun ritmini itirməmək üçün bu oyundan qələbə ilə ayrılmaq haqqında düşünür.
Turun digər görüşləri Bazar günü keçiriləcək.
Bazar günü ilk olaraq "Qəbələ" "Qəbələ Şəhər Stadionu"nda "Sabah"ı qəbul edəcək. Keçən tur Premyer Liqada həm Tsxadadzenin rəhbərliyi ilə həm də ilin ilk qələbəsini qazanan "Qəbələ" növbəti qələbəsini qazanmağı hədəfləyəcək. Avrokuboklara vəsiqə verən yerlər uğrunda mübarizə aparan "bayquşlar" isə bu oyunda mütləq qələbə qazanmağı hədəfləyib.
Günün və turun sonuncu qarşılaşmasında gənclik şəhər təmsilçisi "Sumqayıt" "Mehdi Hüseynzadə adına Sumqayıt şəhər stadionu"nda "Səbail"i qəbul edəcək. Avrokuboklara vəsiqə verən yer uğrunda mübarizə aparan "Sumqayıt" bu oyunda qələbə qazanmağı hədəfləyib. Keçən tur audsayderə evdə məğlub olan "dənizçilər" isə "Sumqayıt"da ən azı məğlub olmamaq haqqında düşünəcək.