Yüksək gigiyena standartları ilə tanınan Yaponiyada skandal baş verib. Strateji.az "CNN Türk"ə istinadən xəbər verir ki, mağazadan alınan çörəklərin birinin içindən siçan qaraları çıxıb.
Sözügedən şirkət ölkənin ən nüfuzlu şirkətlərindən biridir. Şirkət baş vermiş hadisə ilə əlaqədar olaraq üzr istəyib. Şirkətdən verilən açıqlamada bildirilib ki, biz keyfiyyətə nəzarət prosedurlarımızı daha da təkmilləşdirəcəyik. Çörək istehsalı ilə məşğul olan şirkət onu da vurğulayıb ki, belə halların bir də yaşanmaması üçün əlimizdən gələni edəcəyik.
Eyni zamanda da bazarda olan 104 min çörək geri qaytarılıb.
//Aytən Əsgərova, Strateji.az