Geriyə qayıt Çap et

Pentaqon “Lockheed Martin”lə AIM-260 raketlərinin istehsalının artırılması barədə razılaşıb

Pentaqon “Lockheed Martin”lə AIM-260 raketlərinin istehsalının artırılması barədə razılaşıb


ABŞ Müdafiə Nazirliyi “Lockheed Martin” korporasiyası ilə ən yeni AIM-260 “hava-hava” tipli taktiki raketlərin istehsalının genişləndirilməsinə dair çərçivə sazişi bağlayıb.

Bu barədə Pentaqon məlumat yayıb.

ABŞ Müdafiə Nazirliyi razılaşmanın detalları barədə məlumat verməyib. Bildirilib ki, sənəd Pentaqonun AIM-260 raketlərini bir neçə il ərzində satın almaq niyyətini əks etdirir.

Razılaşma, həmçinin bu raketlərin ABŞ-nin xarici müttəfiqlərinə tədarük həcminin artırılmasını nəzərdə tutur.

“Lockheed Martin” öz növbəsində bildirib ki, razılaşmanın AIM-260 raketlərinin satın alınmasına dair çoxillik müqavilənin imzalanması ilə nəticələnməsi nəzərdə tutulur. Yekun razılaşma ABŞ Konqresinin təsdiqini tələb edir.

Şirkətin məlumatına görə, AIM-260 raketləri F-22 və F-35 beşinci nəsil döyüş təyyarələrinin silahlanmasına daxildir.


Şəfa Yusifzadə