Geriyə qayıt Çap et

Qlobal fond bazarlarında əsas indekslərdə eniş müşahidə olunub

Qlobal fond bazarlarında əsas indekslərdə eniş müşahidə olunub


Qlobal fond bazarlarında son ticarət sessiyasında əsas indekslərin əksəriyyəti geriləyib.

 ABŞ bazarında “Dow Jones” indeksi 347,11 bənd və ya 0,67% azalaraq 51 481,51 bəndə düşüb. “S&P 500” indeksi 59,72 bənd və ya 0,77% geriləyərək 7 683,69 bənd, “Nasdaq Composite” indeksi isə 248,34 bənd və ya 0,92% azalaraq 26 820,38 bənd təşkil edib. “NYSE Composite” indeksi 0,65%, Kanadanın “S&P/TSX Composite” indeksi isə 0,87% geriləyib.

Avropa bazarlarında da əsasən mənfi dinamika qeydə alınıb. “Euro Stoxx 50” indeksi 0,02% azalaraq 6 301,28 bəndə, Böyük Britaniyanın “FTSE 100” indeksi 0,10% geriləyərək 10 684,88 bəndə, Almaniyanın “DAX” indeksi 0,13% azalaraq 25 374,42 bəndə düşüb. Fransanın “CAC 40” indeksi isə 0,01% artaraq 8 078,48 bənd olub. İspaniyanın “IBEX 35” indeksi 0,51% azalıb.

Asiya-Sakit okean regionunda da satışlar üstünlük təşkil edib. Yaponiyanın “Nikkei 225” indeksi 1% azalaraq 65 219,77 bəndə, “TOPIX” indeksi isə 1,52% geriləyərək 4 049,53 bəndə enib. Honq-Konqun “Hang Seng” indeksi 0,49% azalaraq 24 521,85 bənd təşkil edib. Çinin “CSI 300” indeksi 0,03% artaraq 4 342,07 bəndə yüksəlib. Avstraliyanın “S&P/ASX 200” indeksi isə 0,01% artıb.

Bazar iştirakçıları əsas diqqəti ABŞ Federal Ehtiyat Sisteminin (FED) son qərarından sonra faiz siyasətinin gələcək istiqamətinə yönəldib. İnvestorların pul siyasəti, inflyasiya göstəriciləri və iqtisadi artım perspektivləri ilə bağlı qeyri-müəyyənlik fonunda riskli aktivlərdə mövqelərini yenidən qiymətləndirməsi əsas indekslərə təzyiq göstərib.


Şəfa Yusifzadə