Geriyə qayıt Çap et

Panamada 8 bal gücündə zəlzələ olub, sunami təhlükəsi elan edilib

Panamada 8 bal gücündə zəlzələ olub, sunami təhlükəsi elan edilib


Panamada 8 maqnitudalı güclü zəlzələnin baş verdiyi bildirilir.

Ölkənin Geoloji Elmlər İnstitutunun məlumatına görə, yeraltı təkanlar oktyabrın 9-da yerli vaxtla saat 12:56-da qeydə alınıb.

Zəlzələnin ocağı 5 kilometr dərinlikdə yerləşib.

ABŞ-ın Milli Okean və Atmosfer Administrasiyası Latın Amerikası ölkələri üçün sunami təhlükəsi elan edib.

Məlumata görə, xəbərdarlıq Qvatemala, Kolumbiya, Kosta-Rika, Meksika, Nikaraqua, Panama, Peru, Salvador və Ekvadoru əhatə edir.


Şəfa Yusifzadə