Geriyə qayıt Çap et

Portec Şəbəkəsinin nümayəndəsi Dövlət–Özəl Sektor–QHT Platforması çərçivəsində keçirilən forumda iştirak edib

 

Bu gün “Əlilliyə Erkən Yardım Portec Şəbəkəsi” İctimai Birliyinin nümayəndəsi Emin Mehdizadə Dövlət–Özəl Sektor–QHT Platforması çərçivəsində keçirilən forumda iştirak edib.Emin Mehdizadə forumun “QHT-lərin institusional güclənməsi və sosial təsiri: 2025-ci ilin nəticələri və 2026-cı il perspektivləri” mövzusuna həsr olunmuş III panelində dinləyici qismində iştirak edib.
Panelin moderatoru Zaur İbrahimli, tədbirin təşkilatçısı isə GMİB-in sədri Solmaz Əliyeva olub.Panel müzakirələri zamanı QHT-lərin institusional inkişafı, sosial müdafiə mexanizmləri, donor proqramları, dövlət–QHT tərəfdaşlığı, özəl sektorla əməkdaşlıq və 2026-cı il üçün müəyyənləşdirilən prioritet istiqamətlər ətrafında fikir mübadiləsi aparılıb.Forumun yekun sessiyasında GMİB-in sədri Solmaz Əliyeva tərəfindən təqdim olunan tövsiyələr paketində aşağıdakı məsələlər diqqətə çatdırılıb:
1.    2025-ci il üzrə Dövlət–Özəl Sektor–QHT əməkdaşlığının nəticələri;
2.    2026-cı il üçün prioritet istiqamətlər və yeni əməkdaşlıq imkanları;
3.    Sektoral və ümumi tövsiyələr paketi;
4.    Platformanın 2026-cı il üzrə fəaliyyət planının əsas tezisləri.
Portec Şəbəkəsinin nümayəndəsi Emin Mehdizadə belə platformalarda iştirakın əhəmiyyətini vurğulayaraq qeyd edib ki, QHT-lərin institusional güclənməsi, dövlət və özəl sektorla əməkdaşlıq imkanlarının genişləndirilməsi sosial problemlərin həllində daha sistemli və davamlı yanaşmaların formalaşmasına şərait yaradır. Xüsusilə sosial müdafiə, əlilliyi olan şəxslərin hüquqları, uşaqların rifahı və inklüziv cəmiyyətin inkişafı istiqamətində QHT-lərin təcrübəsinin və potensialının birgə fəaliyyətə cəlb olunması mühüm əhəmiyyət daşıyır.Tədbirin sonunda xüsusi olaraq qeyd olunub ki, bu gün həm də GMİB-in fəaliyyətinin 25 illik yubileyi və təşkilatın sədri Solmaz Əliyevanın doğum günüdür.
“Əlilliyə Erkən Yardım Portec Şəbəkəsi” İctimai Birliyi olaraq GMİB-i 25 illik yubileyi, Solmaz Əliyevanı isə doğum günü münasibətilə səmimi-qəlbdən təbrik edir, ona möhkəm cansağlığı, yeni uğurlar və ictimai fəaliyyətində davamlı nailiyyətlər arzulayırıq.Portec Şəbəkəsi vətəndaş cəmiyyəti institutları arasında əməkdaşlığın gücləndirilməsini, təcrübə mübadiləsini və sosial yönümlü təşəbbüslərin inkişafını dəstəkləyir.