İndoneziya məxsus "Batik Air" sərnişin təyyarəsinin pilotları sükan arxasında yatıb. Strateji.az BBC-ə istinadən xəbər verir ki, pilotlar düz 28 dəqiqə sükan arxasında yatıb.
Onların yatması səbəbindən təyyarə öz marşutunu dəyişib. Hadisədən sonra pilotlar işdən uzaqlaşdırılıb və hadisə ilə bağlı araşdırma başlanıb.
Ölkənin nəqliyyat nazirinin sözlərinə görə təyyarə havaya qalxmazdan əvvəl 32 yaşlı pilot təyyarəni köməkçi pilota əmanət edərək yatıb. 28 yaşlı pilot isə sükan arxasında yatıb. Onun yatmasına səbəb yenicə doğulmuş əkiz övladlarına xanımı ilə birgə baxması olub. Bu da gənc pilotun yuxusu qalmasına və sükan arxasında yatmasına səbəb olub.
//Aytən Əsgərova, Strateji.az