
9 mart 2026-cı il tarixində Belçikanın Brüssel şəhərində xaricdə təhsil alan azərbaycanlı tələbələr üçün psixoloji dəstək mövzusunda maarifləndirici təlim keçirilib.Təlim “Peşəkar Psixoloqlar” İctimai Birliyinin sədri, psixoloq və mediator Səbinə İsmayılova tərəfindən aparılıb.Təlim zamanı xaricdə təhsil alan tələbələrin üzləşdikləri adaptasiya prosesi, mədəni şok, akademik stress, emosional dayanıqlılıq və psixoloji dəstəyin əhəmiyyəti barədə ətraflı məlumat verilib.
Bununla yanaşı, insan alveri, zorakılıq və istismar riskləri, bu halların qarşısının alınması, təhlükəli vəziyyətlərin vaxtında müəyyənləşdirilməsi və müvafiq dəstək imkanları barədə maarifləndirici məlumatlar təqdim olunub.İnteraktiv formatda təşkil olunan görüşdə tələbələr öz təcrübələrini bölüşüb, gündəlik həyatda qarşılaşdıqları çətinliklər və xarici mühitə uyğunlaşma ilə bağlı suallar ünvanlayıblar.Təlimin sonunda keçirilən sual-cavab sessiyasında tələbələri maraqlandıran məsələlər ətrafında fikir mübadiləsi aparılıb, xaricdə tələbə həyatının psixoloji aspektləri müzakirə edilib.Bu təşəbbüs xaricdə təhsil alan azərbaycanlı gənclərin psixoloji rifahının dəstəklənməsi, risklər barədə məlumatlılığının artırılması və onların təhlükəsizliyinin təşviqi baxımından əhəmiyyət daşıyır.
“Peşəkar Psixoloqlar” İctimai Birliyi gənclərin psixoloji sağlamlığının qorunması və maarifləndirilməsi istiqamətində fəaliyyətini davam etdirir.