Geriyə qayıt Çap et

Peşəkar Psixoloqlar İctimai Birliyinin sədri Səbinə İsmayılova Rumıniyada işgüzar səfərdə olub

 

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Qan Donorları Assosiasiyası” İctimai Birliyinin nümayəndə heyəti 14–19 sentyabr 2024-cü il tarixlərində Rumıniyanın paytaxtı Buxarest şəhərində işgüzar səfərdə olub.

Səfərdə “Qan Donorları Assosiasiyası” İctimai Birliyinin sədr müavini, eyni zamanda Peşəkar Psixoloqlar İctimai Birliyinin sədri Səbinə İsmayılova da iştirak edib.

Səfər çərçivəsində Rumıniyanın Milli Qan Donorları Assosiasiyası, Buxarest Mərkəzi Qan Bankı və “Donorium” mobil qeydiyyat proqramının rəhbərləri ilə görüşlər keçirilib. Görüşlərdə qan donorluğunun təşviqi, donorlarla işin təşkili, müasir qeydiyyat mexanizmləri, gələcək əməkdaşlıq və təcrübə mübadiləsi imkanları müzakirə olunub.

Bundan əlavə, nümayəndə heyəti Azərbaycanın Rumıniyadakı səfirliyini ziyarət edərək səfirliyin fəaliyyəti ilə tanış olub.

Səfər beynəlxalq əməkdaşlıq əlaqələrinin genişləndirilməsi, qan donorluğu sahəsində qabaqcıl təcrübələrin öyrənilməsi və Azərbaycan QHT-lərinin beynəlxalq platformalarda təmsil olunması baxımından əhəmiyyət daşıyıb.