Geriyə qayıt Çap et

Peşəkar Psixoloqlar İctimai Birliyinin sədri Səbinə İsmayılova Zəngilan rayonunda “Azərbaycan QHT-lərinin Əməkdaşlıq Forumu”nda iştirak edib

 

2024-cü il iyunun 24–25-də Zəngilan rayonundakı Konqres Mərkəzində Qeyri-Hökumət Təşkilatlarına Dövlət Dəstəyi Agentliyi və Azərbaycan Milli QHT Forumunun birgə təşkilatçılığı ilə “Azərbaycan QHT-lərinin Əməkdaşlıq Forumu” keçirilib.
Forumda Peşəkar Psixoloqlar İctimai Birliyinin sədri, psixoloq Səbinə İsmayılova da iştirak edib.
200-ə yaxın qeyri-hökumət təşkilatının nümayəndəsini bir araya gətirən forumun ikinci günündə “Ermənistanın dağ-mədən sənayesinin ekoloji fəsadları” və “COP29 və Yaşıl Dünya Naminə Həmrəylik Hərəkatı” mövzularında panel müzakirələri keçirilib.Panel müzakirələrində ekoloji problemlər, transsərhəd çayların çirklənməsi, iqlim dəyişiklikləri, ətraf mühitin mühafizəsi və Azərbaycanın COP29-a ev sahibliyi etməsinin əhəmiyyəti ətrafında fikir mübadiləsi aparılıb.Forum çərçivəsində Ermənistanın mineral xammal resursları və dağ-mədən sənayesinin ekoloji təsirlərini əks etdirən xəritənin təqdimatı da keçirilib. İştirakçılara Qarabağ və Şərqi Zəngəzurda həyata keçirilən bərpa-quruculuq işləri, yaşıl enerji və müasir texnologiyaların tətbiqi barədə məlumat verilib.
Panel müzakirələrin yekununda “Yaşıl Dünya Naminə Azərbaycan QHT-lərinin Həmrəylik Müraciəti” səsləndirilib. Tədbir bədii proqramla davam edib.Forum QHT nümayəndələri arasında əməkdaşlığın genişləndirilməsi, təcrübə mübadiləsinin aparılması və ölkənin aktual ictimai məsələlərinin müzakirəsi baxımından əhəmiyyətli platforma olub.
Peşəkar Psixoloqlar İctimai Birliyi bu cür tədbirlərdə iştirak etməklə vətəndaş cəmiyyəti institutları ilə əməkdaşlığın inkişafına və ictimai təşəbbüslərin dəstəklənməsinə töhfə verir.