Geriyə qayıt Çap et

Haitinin Baş naziri istefa verdi

 Haitidə dövlət qüvvələri və silahlı dəstələr arasında toqquşmalar davam edir. Strateji.az Türkiyənin "Hürriyet" qəzetinə istinadən xəbər verir ki, bu gün silahlı toqquşmaların son verməsi üçün ölkənin Baş naziri öz qərarını açıqlayıb.

Ölkənin baş naziri Ariel Henri istefa verib. 

"Mənə verilən fürsətə görə Haiti xalqına təşəkkür etmək istəyirəm. Mən bütün haitililərdən sakit olmağı  sülh və sabitliyi mümkün qədər tez bərpa etmək üçün əllərindən gələni etməyi xahiş edirəm."-deyə Baş nazirin müraciətində bildirilib. 

Qayana prezidenti və CARICOM sədri İrfaan Əli də açıqlamasında bu istefanın qəbul edildiyini və ölkədə tezliklə keçid hökumətinin formalaşmasının və bu hökumətin sabitliyi bərpa etməsinin zəruri olduğunu bildirib.

//Aytən Əsgərova, Strateji.az