"AA haber"in müxbirləri Pakistanda səfərdə olub. Strateji.az-ın məlumatına görə onlar şəhərin ictimai nəqliyyatı ilə yaxından maraqlanıblar.
Bütün uzaq şərq ölkələrində olduğu kimi bu ölkə də ən çox istifadə olunana nəqliyyat vasitəsi "rikaşalar"dır. Sözügedən nəqliyyat vasitəsi 3 təkərli bir motosikletdir. Bu nəqliyyat vasitəsi həm yerli əhali həm də ölkəyə gələn turistlər tərəfindən ciddi maraqla qarşılanır. "Rikaşa"lara rahat şəkildə 5 nəfər sərnişin əyləşə bilər. Onlar yolun uzunluğuna görə sərnişindən 30-100 rupi arası pul alır.
Sözü gedən nəqliyyat vasitəsindən istifadə edən Əhməd adlı şəxs bildirib ki, bu nəqliyyat vasitəsi ilə hətta hamilə qadını xəstəxanaya çatdırıb. O "rikaşa"nın ona məxsus olmadığını bildirib. Qeyd edib ki, o bu "rikaşa"nı gündəlik 500 rupiyə icarəyə götürüb. Çətinliklə dolandığını deyən Əhməd bunun vasitəsi ilə qardaşlarını oxutduğunu qeyd edib.
//Aytən Əsgərova, Strateji.az