Geriyə qayıt Çap et

İngiltərə AVRO-2024-ə qələbə ilə başladı

 Bu gün AVRO-2024-də  III günün oyunlarına start verilib. Strateji.az saytının məlumatına görə Helzenkirhen şəhərində  "Aufşalke Arena"da  C qrupunun I turu çərçivəsində  Serbiye və İngiltərə üz-üzə gəlib. İtaliyadan olan Daniele Orsatonun idarə etdiyi qarşılaşmanın artıq 13-cü dəqiqəsində İngiltərə  Cud Bellingemin qolu ilə hesabı açıb-Serbiya-İngiltərə-0:1. Oyunun ikinci hissəind heç bir qol olmadı və ilk hissənin nəticəsi oyunun nəticəsi oldu-Serbiya-İngiltərə-0:1.

Bu gün iki qarşılaşma baş tutub. 

İlk olaraq Hamburq şəhərində "Folksparkstadion"da D qrupunun I turu çərçivəsində Polşa və Niderland üz-üzə gəlib. Portuqaliyadan olan hakim Artur Soareş Diaşın idarə etdiyi qarşılaşmada Polşa oyunun 16-cı dəqiqəsində Adam Buksanın qolu ilə hesabı açdı-Polşa-Niderland-1:0. Oyunun 29-cu dəqiqəsində Niderland Kodi Qapkonun qolu ilə hesabı bərabərləşdirdi-Polşa-Niderland-1:1. İlk hissə tərəflərin hərəyə bir dəfə fərlənməsi ilə başa çatıb-Polşa-Niderland-1:1. Oyunun 83-cü dəqiqəsində Vout Veqhorst Niderlandın ikinci topuna imza ataraq komandasını hesabda irəli çıxarıb-Polşa-Niderland-1:2. Bu oyunda son qol oldu və Niderland matçdan 1:2 qalib ayrıldı.

Günün ikinci qarşılaşmasında isə  Ştutqart şəhərində  "Ştutqart Arena"da Sloveniya və Danimarka üz-üzə gəlib. İsveçrədən olan Sandro Şarerin idarə etdiyi qarşılaşmanın artıq 17-ci dəqiqəsində Danimarka Kristian Eriksenin qolu ilə hesabı açıb-Sloveniya-Danimarka-0:1. İlk hissə Danimarkanın 0:1 hesablı üstünlüyü ilə başa çatıb. Oyunun 77-ci dəqiqəsində Erik Yanza Sloveniyanın bərabərlik topuna imza atıb-Sloveniya-Danimarka-1:1. Bu oyunda vurulan son qol oldu və tərəflər oyunda hərəyə bir dəfə fərqlənərək bir xala qane oldu-Danimarka-Sloveniya-1:1.