Bu gün AVRO-2024-də IV günün oyunlarına start verilib. Strateji.az saytının məlumatına görə D qrupunda I turun oyunu çərçivəsində Düsseldorf şəhərində "Düsseıdorf Arena"da Avstriya Fransa ilə üz-üzə gəlib. İspaniyadan olan hakim Xesus Xil Mansanonun idarə etdiyi qarşılaşmada artıq oyunun 38-ci dəqiqəsində Avstriyanın heyətindən Uoberin avto-qolu ilə Fransa millisi hesabı açıb-Avstriya-Fransa-0:1. İlk hissə Fransanın 0:1 üstünlüyü ilə başa çatıb. Görüşün ikinci hissəsində tərəflərdən heç biri fərqlənə bilmədi və ilk hissənin nəticəsi oyunun nəticəsi oldu-Avstriya-Fransa-0:1
Bu gün iki qarşılaşma baş tutub.
İlk olaraq E qrupunda I tur çərçivəsində Münhen şəhərində yerləşən "Münhen Arena"da Rumıniya Ukraynanı qəbul edib. İsveçdən olan hakim Qlenn Nyuberqin idarə etdiyi qarşılaşmanın artıq 29-cu dəqiqəsində Rumıniya Nikolae Stankunun qolu ilə hesabı açıb-Rumıniya-Ukrayna-1:0. İlk hissə Rumıniyanın 1:0 üstünlüyü ilə başa çatıb. Oyunun 53-cü dəqiqəsində Razvan Marin Rumıniyanın ikinci topuna imza atıb-Rumıniya-Ukrayna-2:0. Oyunun Denis Draquş Rumuniyanın üçüncü topuna imza atdı-Rumıniya-Ukrayna-3:0. Bu oyunda vurulan son qol oldu və Rumıniya ilk oyunda 3 xalı 3 cavabsız qolla qazandı.
Günün ikinci qarşılaşmasında isə Frankfurd şəhərində yerləşən "Frankfurt Arena"da E qrupunun I turu çərçivəsində Belçika Slovakiya ilə üz-üzə gələcək. Türkiyədən olan hakim Halil Umut Melerin idarə etdiyi qarşılaşmasında oyunun 7-ci dəqiqəsində İvan Şrantsın qolu ilə Slovakiya hesabı açıb-Belçika-Slovakiya-0:1. İlk hissə Slovakiyanın 0:1 üstünlüyü ilə başa çatıb. İkinci hissədə heç bir qol olmadı və ilk hissənin nəticəsi oyunun nəticəsi oldu-Belçika-Slovakiya-0:1