Dağıstanda güclü terror hadisə ilə əlaqədar olaraq 3 günülük matəm elan olunub. Strateji.az Türkiyənin "Hürriyet" qəzetinə istinadən xəbər verir ki, bu barədə Dağıstan rəhbəri Sergey Məlikov bildirib.
"Bu gün Dağıstan və bütün ölkə üçün faciə günüdür. Terror aktlarını törədənlərin arxasında kimin dayandığını və hansı məqsəd güddüklərini araşdırırıq. Bu qeyri-insani hücumlara canları bahasına ilk müqavimət göstərən Dağıstan polisi olub. Bir daha həlak olanların ailələrinə başsağlığı verirəm. Ölən və yaralananların ailələrinə maddi yardım göstəriləcək." deyə
Rusiya mətbuatının məlumatına görə terror aktı zamanı 15 nəfərdən çox polis, Provaslav kilsəsinin keşişi və mülki şəxslər həyatını itib. İki kilsəyə və bir sinaqoqa edilən hücum zamanı 6 terrorçu zərərsizləşdirilib.
Qeyd edək ki, baş vermiş faciə ilə əlaqədar olar Azərbaycan Respublikasının Prezidenti İlham Əliyev Rusiya Prezidenti Vladimir Putinə və Dağıstanın rəhbəri Sergey Məlikova baş sağlığı verib.
//Aytən Əsgərova, Strateji.az