Bu gün AVRO 2024-də XIII günün oyunlarına start verilib. Strateji.az saytının məlumatına görə Hamburq şəhərində "Volksparkstadion"da F qrupunun III turu çərçivəsində Çexiya və Türkiyə üz-üzə gəlib. Rumıniyadan olan hakim İstivan Kovacısın idarə etdiyi görüşün 20-ci dəqiqəsində Çexiya azlıqda qalıb. Çexlərin heyətindən Antonin Barak qırmızı vərəqə alara meydandan qovulub-Çexiya-Türkiyə-0:0. İlk hissə başladığı hesabla bitib-Çexiya-Türkiyə-0:0. Oyunun 51-ci dəqiqəsində Türkiyə Halkan Çalhanoğlunun qolu ilə hesabı açıb-Çexiya-Türkiyə-0:1. Oyunun 66-cı dəqiqəsində Tomas Souçel Çexiyanın bərabərlik topuna imza atdı-Çexiya-Türkiyə-1:1. Oyunun 90+4-cü dəqiqəsində Çenk Tosun Türkiyənin ikinci topuna imza atıb-Çexiya-Türkiyə-1:2. Bu oyunda vurulan son qol oldu və Türkiyə oyundan 1:2 qalib gəldi. Beləcə Türkiyə qrupu II pillədə bitirdi Çexiya isə sonuncu pillədə bitirdi.
Qeyd edək ki, Çexiya ilk oyununda Portuqaliyaya 2:1 məğlub olmuşdu, ikinci oyunda isə Gürcüstanla 1:1-lik bərabərliyə razı olmuşdu. Türkiyə isə ilk oyunda Gürcüstana 3:1 qalib gəlmişdi, ikinci oyunda isə Portuqaliyaya 0:3 məğlub olmuşdu.