Şənbə günü AVRO-2024-də 1/8 final görüşlərinə start verilib. Nəzər Media.az saytının məlumatına görə, 1/8 finalın sonuncu görüşündə Leypsiq şəhərində "Leypsiq Ştadium" Avstriya və Türkiyə üz-üzə gəlib. Portuqaliyadan olan hakim Artur Diaşın idarə etdiyi oyunun artıq 1-ci dəqiqəsində Merih Demiralın qolu ilə hesabı açıb-Avstriya-Türkiyə-0:1. İlk hissə Türkiyənin 0:1 hesablı üstünlüyü ilə başa çatıb. Oyunun 59-cu dəqiqəsində Merih Demiral dubl edərək özünün və komandasının ikinci topuna imza atıb-Avstriya-Türkiyə-0:2. Oyunun 66-cı dəqiqəsində Avstriya Mixael Qreqoritşin qolu ilə hesab arasındakı fərqi azaltdı-Avstriya-Türkiyə-1:2. Bu oyunda vurulan son qol oldu və Türkiyə 1:2 qalib gələrək adını 1/4 finala yazdırdı.
Bu gün bir qarşılaşma baş tutub. Bu görüşdən əvvəl Münhen şəhərində "Münhen Arena"da Rumıniya və Niderland üz-üzə gəlib. Almaniyadan olan hakim Feliks Zvayerin idarə etdiyi qarşılaşmanın artıq 20-ci dəqiqəsində Niderland Kodi Qapkonun qolu ilə hesabı açıb-Rumıniya-Niderland-0:1. İlk hissə Niderlandın 0:1 üstünlüyü ilə başa çatıb. Oyunun 83-cü dəqiqəsində Donuel Malen Niderlandın ikinci topuna imza atıb-Rumıniya-Niderland-0:2. Oyunun 90+3-cü dəqiqəsində Donuel Malen dubl edərək özünün ikinci komandasının üçüncü topuna imza atıb-Rumıniya-Niderland-0:3. Bu oyunda vurulan son qol oldu və Niderland 0:3 qalib gələrək adını 1/4 finalçıların sırasına yazdırdırıb.