"Qan Donorları Assosiasiyası” İctimai Birliyinin sədri Fuad Əsgərov sosial şəbəkə vasitəsi ilə çağırış edib.
Moderator.az xəbər verir ki, o isti yay günlərində qan xəstəliyindən əziyyət çəkən uşaqların vəziyyətinin acınacaqlı olduğunu bildirib:
"Dostlar bilirsiniz ki, insanlardan özümlə bağlı xahiş etmirəm və hər zaman ayaqlarım üstündə sağlam durmağı seçim etmişəm. Amma cəmiyyətimiz, insanlıq və sizlər üçün xahiş etməkdən yorulmuram. Mən sizlərdən xahiş edirəm.
Havaların çox isti keçməsi qan xəstəliklərindən əziyyət çəkən övladlarımızın qana tələbatını artırıb. Övladlarımız sözün əsl mənasında həyat mücadiləsi edirlər ! Amma bu mücadiləyə bizim də köməyimiz lazımdır. Qan qrupundan aslı olmayaraq Mərkəzi Qan Bankına yaxınlaşın və könüllü qan verin. HƏYAT xilas etməyə TƏLƏSİN!".