Fransanın "Lill" klubu heyətini yeni bir oyunçu ilə gücləndirib. Strareji.az "haberler.com" saytına istinadən xəbər verir ki, Fransa təmsilçisi 32 yaşlı Tomas Meuineri heyətinə qatıb.
Belçikadan olan futbolçu ilə 2 illik müqavilə imzalanıb. Belçikalı futbolçu keçidlə bağlı açıqlama verib.
""Lill"ə qatıldığım üçün çox xoşbəxtəm. Burada çox yaxşı qarşılandım. Klubla bağlı çox yaxşı şeylər eşitdim. Burada olduğum üçün çox xoşbəxətəm. Avropa klublarında əldə etdiyim təcrübə əsasında buradakı gənclərə yol göstərəcəyəm. Azərkeşlərlə görüşmək üçün səbirsizlənirəm"-deyə Meuiner bildirib.
Qeyd edək ki, 32 yaşlı futbolçu keçən mövsüm qarşılıqsız olaraq "Borussiya Dortmund"dan Türkiyənin "Trabzonspor" klubuna keçmişdi. O, "bordo-mavililər"in heyətində 19 oyunda bir qol və 7 məhsuldar ötürmə ilə yadda qalmışdı.
//Aytən Əsgərova, Strateji.az