Pakistan İslam Respublikası sabah ölkənin müstəqillik gününü qeyd etməyə hazırlaşır. Strateji.az Türkiyənin "Hürriyət" qəzetinə istinadən xəbər verir ki, ölkədə bayraq dükanlarından birinə bomba atılıb.
Terror aktı Bəlucistan əyalətində baş verib. Motosikletdə olan şəxs bombanı mağazanın içinə tullayıb. Hadisə zamanı 1 nəfər ölüb. Terror aktı altı nəfərin yaralanmasına səbəb olub. Yaralılar dərhal xəstəxanaya yerləşdirilib. Onlardan ikisinin vəziyyəti ağırdır. Hadisə ilə bağlı araşdırmalara başlanılıb. Hələki terror aktının məsuliyyətini heç bir qruplaşma öz üzərinə götürməyib.
//Məleykə Bayramova, Strateji.az