Beynəlxalq Atom Enerjisi Agentliyi (MAQATE) təşkilatın rəhbəri Rafael Qrossinin Kursk AES-ə səfər etməyə hazır olduğunu açıqlayıb.
Strateji.az axar.az-a istinadən xəbər verir ki, bu barədə Rusiyanın Vyanadakı beynəlxalq təşkilatlar yanında daimi nümayəndəsi Mixail Ulyanov Teleqram kanalında yazıb.
"MAQATE-nin baş direktoru Rafael Qrossi Rusiyanın Ukrayna tərəfinin ehtiyatsız və təxribatçı hərəkətləri nəticəsində təhlükəsizliyi təhdid edilən Kursk AES-ə baş çəkmək dəvətinə dərhal cavab verib",- o bildirib.
Rusiyanın daimi nümayəndəsinin sözlərinə görə, MAQATE rəhbəri çox yaxında atom stansiyasına gələ bilər.